大濛

4.3⭐一套各方面都非常出色嘅作品，編、導、演、攝影、剪接、美術、服裝、…..等等皆出色，能講好一個時代嘅感人尋兄故事。電影雖然係一個悲傷故事，但並無刻意賣弄慘情，反而絕大部分時間以生動、輕鬆又帶少少黑色手法去講故事，睇得輕鬆又有趣。男女主角方郁婷同柯煒林演出不俗，能演活角色，赢得觀眾憐愛及同情，為其遭遇而擔心/緊張。整體電影完成度高，故事劇情豐富，具質感，富感染力，係一套入到心嘅電影，值回票價，推薦入場！👍PS. (含劇透)• 最後男女主角醫院偶遇比較牽強咗啲啲，機會率雖然未至於零，但係咁樣寫佢哋重遇好似馬虎/簡單咗啲• 趙公道同黄秋月醫院相遇後其實又冇乜必要粒聲唔出走咗去，吹下水 keep in touch 都得啫 😅• 趙公道年紀應該比黃秋月大唔少，但最後醫院相遇果幕柯煒林個老妝似乎唔夠老，睇落重後生過老年黃秋月• 飛天賊劉冠廷個角色有啲無謂/突兀，似工具人，可有可無，純粹特別演出，冇呢個角色電影整體更工整• 呢兩、三年對台灣片嘅信心已盡失，呢套嘢從谷底挽回返少少 😅

在沒有做任何功課下入場觀賞，每個地方都有黑暗時代，一個黑暗中相遇的故事，好睇！

電影以台灣戒嚴時期作為背景，但故事主軸唔係當時聚焦當時人民如何抗爭嘅境況，都唔係強調自由民主嘅美好，單純係圍繞一個學生家人尋找自己哥哥屍體，一路上體驗世界的殘酷嘅故事。至於電影嘅重點就由主角哥哥所寫嘅故事貫穿，揭示當時學生由樂觀變成無奈嘅心情轉變。雖然由當時重大事件嘅周圍切入，但仍然可以道出白色恐怖下嘅壓迫、無力、不忿、權力嘅不對等。睇完套戲最深嘅感受係，人類生存在世做過嘅事，除咗改變自身命運之外，同時亦會成為他人某時某刻嘅風景，繼而成為歷史洪流嘅一部份。會唔會有啲憧憬，無論有幾咁渴望同努力，即使有生之年都未必可以睇得到，但係當下嘅選擇已經將影響嘅種子埋下，末來某一日會實現？而我想提出嘅問題係，最後點解劉公道唔留低？

願水滴們都能再次相遇。

今年看过最好的电影！很压抑但高水准！台湾电影的透露着浓浓的人情味

我會覺得套戲是精彩我會講，套戲各方面也無什麼可挑剔的地方，陳導各方面也雕塑很細緻，可以藉一個尋兄屍的故事作引子，來描繪在國共內戰後，國民黨戰敗退守台灣，其衍生的反共氛圍、秘密警察橫行濫捕、白色恐怖籠罩同貧乏的台灣眾生相，這方面陳導的執行同描寫好細緻，他用比較鬆的氛圍來包裝，但同時他也可以在這個氛圍中保持到大時代應有沉重氛圍，兩者的平衡度好精準，個人覺得這樣也彰顯出陳導的功架。而角色描寫同塑造，陳導的處理也是細緻，無論是黃秋月或趙公道，其角色輪廓也好出，而更重要是，這個高度是整套戲也可延續。咁當然，方郁婷同柯煒林的演繹也是精湛，個人好喜歡柯今次這個外在粗獷但內在良心勇敢的演繹。當然在技藝上，這套也是好精彩，無論是攝影、場景、美術等，也是好細緻。痴·影·夢·藝 X 的專頁 https://www.facebook.com/ckwunmovie/